中四女生自爆暗戀已婚Bio老師 網友力勸「唔好累佢冇咗份工」

學生暗戀老師的事件並不罕見。有中四女生近日在網上發文，指自己暗戀一名「個樣唔差，比例幾好」的已婚Bio老師，並指「我每日都好期待見到佢」，「有時候會幻想下，如果我同佢喺埋一齊，做啲好親密嘅事，我就會好開心」。相關帖文隨即引起熱議，目前已獲得逾5000人讚好。

該名女生日前向Instagram專頁「schools.secrets」投稿，指自己就讀中四，今年突然喜歡一名Bio老師，並形容對方「大概30幾歲，但係個樣唔差，比例幾好，身上面應該有啲肌肉，絕對冇肥肉」。她指，「我每日都好期待見到佢，上佢嘅堂會好開心，成日都望住佢」，但當對方望向她的方向時，她就會慌張地避開他的視線。她指一開始只認為自己喜歡上bio堂，但近日發現不單只上堂，無論何時亦想見到對方，並指「每次佢落堂要執嘢走嘅時候，我會不自覺地放慢動作，就諗住想同佢近啲，一齊行出課室。」

她又提到，早上在學校門口當值時，很期待看到他，「不停咁諗佢幾時返學校，望到佢入校門口嗰一刻，我嘅心情好似炸煙花咁，心跳會無端端加快。」她又指，覺得對方在上課時的說話及動作「好得意」，令她忍不住偷笑，並指即使對方每日只穿襯衫及西裝褲，「我都會覺得好型」，並指他喜歡拉高襯衫衫袖到手臂位置，

「我就見到佢嘅手臂線條，隻手好大，好man，呢啲細節位都令我忍唔住將視線停留喺佢身上。」她又指，對方並非強勢的老師，會耐心地解答學生的問題，而且授課清晰。

她續指，「有時候會幻想下，如果我同佢喺埋一齊，做啲好親密嘅事，

我就會好開心」，但指知道雙方沒可能會在一起，而且對方亦已婚，「雖然我每次諗起都會傷心，好羞愧，覺得自己好賤格，但係呢樣嘢都令我保持清醒，唔好不切實際咁去期望。」她直言，「知我好變態咁，但係我就係控制唔到。明明佢都唔係我哋學校好出眾嘅靚仔老師，但係佢就係有種魅力吸引住我，令我成日諗起佢」，又指「我仲未完全確認我係咪真係鍾意佢，如果只係學生對老師嘅鍾意咁梗係最好啦。但我有feel係想同佢喺埋一齊嘅嗰種鍾意，我希望只係我嘅錯覺，又或者係學生時期短時間內嘅crush」。

相關帖文隨即引起熱議，目前已獲得逾5000人讚好。不少人留言勸喻她放下，並指「放過bio老師，唔好累到佢冇咗份工」、「講咗幾多次唔好搞老師」、「你想鍾意佢鍾意到害佢冇咗份工？」、「請放過老師」等。

另有人則認為，「小朋友幻想下啫，好多人都鐘意過老師，唔好真係實際去做一啲野咪得」、「我認為樓主冇問題，我覺得呢啲係青春期嘅嘢啫，唔好真係去追佢或者對佢做埋啲親暱動作咪得囉」等。另有人則建議樓主「努力讀好啲書，轉移下視線，知道冇結果，就用好成績去令你阿sir留下好印象，遲下見多咗個世界，就會發覺有其他男仔都可以令你有鍾意嘅感覺」。

帖文來源：「schools.secrets」

往下看更多文章