姚子羚在無綫做了15年， 今次在《同盟》飾演kate， 劇中性感又打得， 上位是必然。
《同盟》食住《城寨英雄》氣勢， 收視平均26至27點， 但最令人驚喜的是姚子羚，
姚子羚原名饒慧玲， 名字由錢國偉改， 在無綫捱了15年， 2002年參加《TVB8全能主持比賽》拿了冠軍後入行， 劇中即使被壞人、殺手夾擊， 她都可以解決， 但現實中任你幾好打， 當演員始終被動， 她說:「每個人條路都唔同， 或者姚子羚就係要做十幾年先有而家嘅成績， 我接受喎。 」姚子羚出道的年代， 無綫奉行「排櫈仔」制度， 想做女主角， 必須由跑龍套、再逐步上， 好像林峯、楊怡都當個《創世紀》路人甲， 隨著年資， 戲份亦增加， 不似近年陳凱琳、蔡思貝等港姐， 一選完就做劇集女主角。
姚子羚在《四個女仔三個BAR》戲份不夠陳凱琳多， 但在劇中表現更為出色。
她說:「我覺得公司會有自己嘅決定， 市場上要多元化， 公司要培育新人係正常喎， 每個人都需要機會， 崗位唔同， 大家做嘅嘢一樣， 都係返咁多個鐘， 你亦有自己嘅戲份， 唔好框住自己我係舊人喎， 新人一定唔好喎， 唔可以咁諗， 可能我已經演得有固定pattern呢， 新人方式仲好呢？唔好有個心態係「嘩！我好資深喎， 我一定好喎、要俾我做喎。
2015年姚子羚憑《張保仔》飾演炎貴妃， 獲得〈最佳女配角〉
「（其他港姐一出道就做主角， 妳冇唔開心？）如果你哋旁觀者會問咁樣會唔會唔舒服？咁咪一個原動力令自己做得更好囉，
陳山聰和姚子羚在《同盟》飾演情侶， 二人私下亦是好朋友。
等了15年， 今年姚子羚才強勢出擊， 除了《同盟》之後播映的《燦爛的外母》， 姚子羚戲份都重， 但她不覺時間用多了， 她說：「時間幾長唔係最大問題， 過程有冇得著呢？呢段時間有起有跌， 我覺得每一步都好實在， 係咪兩年時間去到一個位（女主角）就叫最叻呢？去到呢個位唔係最叻， 點樣係呢個位維持落去， 或者突破再上， 呢個先係最高深學問， 大家只係起步時間唔同， 或者大家達成嘅時間唔同， 我可能會行得比人哋慢， 但我行得好舒服喎。 」